«Өнеркәсіптік инжиниринг (R&D)» бағытының өкілдері даму жөніндегі директор Илья Давыдов пен техникалық директор Денис Шевченко ИННОПРОМ 2022 XII Халықаралық өнеркәсіп көрмесіне белсенді қатысты.
Көрме барысында R&D бағытын дамытуға мүдделі 30-дан астам өнеркәсіптік компаниялардың өкілдерімен кездесулер өткізілді, олардың ішінде «Роскосмос» МК еншілес компанияларының және Біріккен кеме жасау корпорациясының, «НАМИ» ФМБК, «НОВОСТАЛЬ-М» және «Амкодор» холдингтерінің өкілдері және басқалар бар. Кездесулер барысында келесі мәселелер талқыланды:
– машина жасау жабдықтарын, күштік тораптар мен қосалқы бөлшектерді жобалау және импортпен алмастыру;
– виртуалды сынақтар жасау және мониторингтеу жүйелерін құру;
– цифрлық егіздерді жасау тәсілдерін тәжірибе жүзінде іске асыру.
Өзара әрекеттесуді жалғастыру және өзара тиімді жүйелі ынтымақтастықты құру туралы уағдаластықтарға қол жеткізілді.
ИННОПРОМ – бұл Ресейдегі басты индустриалды, сауда және экспорттау алаңы. Осы жылы оған Ресейдің 60-тан астам аймағынан және 22 әлем мемлекеттерінің 43 мыңнан астам келушілері қатысты. Көрмеге келушілердің 80%-ға жуығы – әлемнің түрлі елдерінен келген кәсіби сатып алушылар, өндірісте жаңа өнімдер мен технологияларды енгізу туралы шешім қабылдайтын өнеркәсіптік кәсіпорындардан келген мамандар. ИННОПРОМ-ның іскерлік бағдарламасы дамудың негізгі бағыттарына арналған 50-ден астам іс-шарадан тұрды: санкциялар жағдайындағы өнеркәсіптік стратегиялар, импортты алмастыру және реинжиниринг мүмкіндіктері, цифрлық өндіріс және цифрлық егіздер, жаңа ұтқырлық.
